قصيدة الإيميل

[الظبياني]

تعلمتي على الإيميل و عندك عالمسنجر ناس
حلفتي لي صديقاتك... و ياما كذّب الحالف

صدفه ساقها ربي و بلا قصد ٍ عرفت الـ Pass
فتحته و شفت كم صوره معاهم كم رقم هاتف

انا وش ذنبي يوم اني عطيتك صادق الإحساس؟
لعبتي فيه و ما صنتيه بكذب احساسك الزايف

ترى عرق اللذي مثلك و لو طال الزمن دساس
و اذا فيك الغدر مذهب .. ترى مسموحه ما يخالف

عرفته مذهب امثالك و كل شي راجع ٍ للساس
و انا ما عاد يعنيني .. غرامك صار شي سالف

طفح قدرك من الزحمه .. طلع ما فيه بلا ملاس
فضح امرك غباء و طيش و قلبي صار بك عارف

فضيحه ذوقك الواطي .. محتفظه بصور ( نسناس ) ؟!
عمى يعميك يا فلانه .. على الصوره تراه صارف

قعد يومين يتكشخ و على كرسي المصور خاس
رتوش و رسم لعيونه و خشم لوجهه مخالف

و صورة ذاك المعضّل مصور لك بدون لباس
صحيح اللي اختشوا ماتوا.. فقدته ذوقك التالف

قوية عين ما تخيلين و لا تحشمين عالي الراس
قليلة اصل من يومك.. انا الغلطان انا عارف

لكن والله ما ارجع .. قدرك تحت رجلي انداس
بعد ما خنتي الباقي و بدلتيه بالذالف

عيشي اليوم ندمانه و ذوقي الهم و الوسواس
و انا غيرك بيوفي لي و يضمّد جرحي النازف

بكمل لك بعد ساعه .. متأخر و عندي Class
اذا في وقت تنتظرين .. على الإيميل بنتشاوف

و اذا مشغوله لكي عذرك.. عندكي دوري عندك كاس
مثل جدر الهريس اصبحتي .. كل من يغرف و طايف

رخيصه و بيزه ما تسوين .. و حبك قمة الإفلاس
و من مثلي رفيع الشان حرام وياك يتوالف

لعبتي من ورا قلبي .. و فضح لعبك شديد الباس
و اذا غمضت انا في يوم .. ترى رب الملا شايف


للشاعر فهد معتوق صقر

[الادهم]

تسلم الظبياني على القصيده الجميله

وصح لسان الشاعر فهد ..

سوالم

[الظبياني]

مشكور الادهم على المرور الغاوي

ماقصرت

[الحالم]

بكل صـــــــــــــــــراحه الظبياني

قصـــــــــــــيده قــــــــــــــــويه

يــــــــــــــــــسلمو واشكرك

[الظبياني]

قويه قويه صح

مشكور الحالم على المرور الغاوي

ماقصرت

[جنان]

شو هالقصيدة هاي هههه عجيبة

شكراً لك أخي الظبياني على القصيدة

تحياتي لك

[الظبياني]

عجيبه عجيبه وشكرا على المرور الغاوي

اختي جنان ماقصرتي

[ريم الظفيري]

انا وش ذنبي يوم اني عطيتك صادق الإحساس؟
لعبتي فيه و ما صنتيه بكذب احساسك الزايف



قوية عين ما تخيلين و لا تحشمين عالي الراس
قليلة اصل من يومك.. انا الغلطان انا عارف

لكن والله ما ارجع .. قدرك تحت رجلي انداس
بعد ما خنتي الباقي و بدلتيه بالذالف





ابيات قويه كالطلقه






صح لسان الشاعر

وصح ذوقك






يعطيك العافيه ابدعت




تحياتى ريم

[الظبياني]

مشكوره ريم الظفيري على المرور الغاوي

ماقصرتي