قصيده عن موت الحبيبه وكيف شعور حبيبها بعد رحيلها؟؟

[شيخه الامارات]

هلا اشحالكم هالقصيده وايد عيبتني وحبيت اكتبها لكم
وان شاء الله بس تعيبكم وسالفه هاي القصيده انه واحد كان
يحب وحده والله ما يكتب انه يظل حبهم وماتت عنه وكيف كان
شعوره بعد موتها عسبت جذا كتب هالقصيده عنهااا والله يرحمها
ويعيينه الصراحه؟؟

نادره ما عرفت الدنيا قدرها
يوم راحت ما بقى فالناس طيب
جسدت كل العواطف في صورها
و ارحلت عني على دموع و نحيب
والله اني كنت واقف و انتظرها
ما لها عاده على وعدي تغيب
طحت من طولي على لحظة خبرها
و انكسر عمري ولا لي من يثيب
ليت امر الموت ياني ولا امرها
لكن الاقدار فالدنيا نصيب
حكمة الله خالق الارض و بشرها
في شروق الشمس يامرو المغيب
وقفت قلبي و هي وقف عمرها
و ارتجف من الحزن و الموقف صعيب
آه ويلي يوم نزلت في قبرها
شاب عقلي من قبل قلبي يشيب
كن روحي خنجر ٍ ياها و نحرها
و هل دمع العين ع ثيابي صبيب
صرت اخايلها و هي تنشل شعرها
تنثر التاجي على الغصن الرطيب
صرت اخايلها على ميلة خصرها
راح ذاك الزين و الحسن العجيب
يعلها في جنة الخلد بقصرها
تقطف الاثمار من عود ٍ قريب
في هنا ما تفارق البسمه ثغرها
ادعي الله يا سميع و يا مجيب

والسموحه منكــــــــــــــم..

[الادهم]

تسلمين شيخة الامارات على هذه الشله الرائعه

والصراحه نقل موفق وجميل ..

سوالم

[شيخه الامارات]

الله يسلمك اخوووي نورت صفحتي بمرورك الطيب..

[جنان]

قصيدة جداً جميلة أختي شيخة الامارات

ما قصرتي على الطرح الطيب ..

يعطيكِ العافية

[الظبياني]

قصيدة جميله شيخة الامارات ماقصرتي الصراحه

[شيخه الامارات]

تسلمين اختي جنان وانت الاجمل ^^

[شيخه الامارات]

تسلم شيخنا الظبياني ^^

[حضريه طرر]

هيييه سمعت هالشله بصووت عبدالله الشحي

الله يكوون بعوونه الصراحه ماتعرف غلات الواحد الا يوم تفقده

يسلموو

[شيخه الامارات]

يسلمو ع المرور خيتو

[الدانـه]

سلمت اناملك يالغلاااا

اختيااار مووفق ^_^

ادامك الله ......

لك كل الشكر والتقدير

الدانه

[شيخه الامارات]

تسلمين حبيبتي الدانه ع الرد الحلووو ^^

[الزلزال]

تسلمين أختي على النقل الجميل و يعطيك ألف عافيه

[شيخه الامارات]

ربيـــ يسلمكــ ويعافيكـــ وتسلم ع المرور ...

[عيناوي و بس]

تسلمي شيختي عالقصيد

التي هي أكثر من رائعه

شكرا" لج ^^

[بنت الشيوخ]

يسلموووووووووو الشيخه

[شيخه الامارات]

ربي يسلمكــ عيناووي وبس ومرشي ع المرور..

[شيخه الامارات]

ربي يسلمجــــــــــ بنتـــــ الشيوخــــــــــ ..

[دلوعة عاشق]

تسلمين ع القصيده
روووعه والله
والله يعطيج العافيه
والرب لج العافيه

[شيخه الامارات]

ربي يسلمج ويعااااااافيج دلوعه

وتسلمين ع المرور المنور..