.. [هــل المــجــتــمــع ظــالــم؟!؟ ] ..

[Mi$s MaL©OnA]

السلام عليكم ورحمة الله ..

اشحاالكم عسااكم مرتااحيـــن ...

بما ان ما عندكم شغل فحبيت أناقشكم بهالموضووع ...

الا وهو .. تفرقة المجتمع بين الشاب والفتاة في ارتكاب أخطائهم ..


يعنــي ... عند ارتكاب الشاب لخطأ فادح او ضبطه في وضع مخل او اي وضع سواء كان في مكان عام او خاص يقال هذا طيش شباب
فترة وتعدي ... ويتناسى المجتمع خطأه وكأن شيئاً لم يحدث

بعكس البنت ... عند ارتكابها لنفس الخطأ تعتبــر جريمــه لا يمكن غفرانــها ويتعامل المجتمع وياها على إنها منبوووذه ومنحرفة وغلطت بحقها وبحق اسرتها و يحكمون عليها بالإعدام .. وتقل فرصتها للزواج
او تعنس ..

ما اختلف معاكــم .. البنت لازم تحافظ على نفسها لانها تعتبر جوووهــرة يجب الحفاظ عليها
وانا ما اقصد ان الواحد يتغاضى عن الأخطاء ولكن يجب إعطاء البنت فرصة نرحمهــا

....

إذا رب العبــاد .. بجبــرووته وعظمتــه
يغفــر للعبــد المذنــب و مرتكــب اكبر المعاصي ويقبل توبتــه

ليــش نحن ما نرفق بالفتاة ... ليش نقتلها وهي حيــة .. نقطع الامل في حياتها
كــل إنســان مذنــب و ومحد معصوووم .. الا من رحم ربــي

.
.
.

وهــل من العدل إن البنت تتحمــل ذنبــهــا طوول عمرهــا
والشــاب يواااصل حيااته ويجــرب بحجة انه طيش و نزوة و تمر .. ؟؟؟؟؟؟
.
.
.


والسمووحهـ ..

[الحالم]

هذا مووضوع للنقاش ولاتحيز للبنت انا ماشوف اللي مكتوب هذا يحصل عدنا

يعني محد تحيز وظلم البنت واكرموا الريال بالعكس البنت مصدقه بكل شي

وياما بنات ودوا الشباب بستين دااهيه وهم مالهم ذنب ولحد اليوم مسجونين ليش لان

البنت مصدقه واليوم النخوه ماتت بقلوبنا لان البنت مصدقه يعنى نادرا اذا واحد من الشباب

شاف بنت بمكان عام تنضرب او تطلب المساعده ويروح يساعدها الا اذا كان خبله

والسلاام ختاام

[Mi$s MaL©OnA]

هذا مووضوع للنقاش ولاتحيز للبنت انا ماشوف اللي مكتوب هذا يحصل عدنا

يعني محد تحيز وظلم البنت واكرموا الريال بالعكس البنت مصدقه بكل شي

وياما بنات ودوا الشباب بستين دااهيه وهم مالهم ذنب ولحد اليوم مسجونين ليش لان

البنت مصدقه واليوم النخوه ماتت بقلوبنا لان البنت مصدقه يعنى نادرا اذا واحد من الشباب

شاف بنت بمكان عام تنضرب او تطلب المساعده ويروح يساعدها الا اذا كان خبله


اوكي ابد انا ما اختلف معاك في هالنقطة ... بس بغض النظر عن سالفة ان البنت مصدقه
بنظر القااانوووون .. يعني مثل ما ذكرت اذا استوت مشكلة حتى لو هي غلطانه بعد يصدقونها

.
.

بس لو تلاحظ مب هذا القصد في موضوعي ... انا اتكلم عن نظرة المجتمع الي حولها
اذا هي غلطت ...


.
.

[الحالم]

بس لو تلاحظ مب هذا القصد في موضوعي ... انا اتكلم عن نظرة المجتمع الي حولها
اذا هي غلطت ...



وانا ماقصدت من كلامي بانها مصدقه الا ضرب مثال لموضوعج يوم تقولين بان المجتمع

ظلم البنت ترا هذا ردي لو المجتمع ظلمها ماكان المجتمع صدقها بكلامها وخلاها مصدقه

وقلت بعد بان محد ظلم البنت ومن ضمنهم المجتمع ماظلمها بالعكس انصفها وانصفها

والسمووحه لاني رديت مره ثانيه بس تراه موضوع للنقاش

[Mi$s MaL©OnA]

خذ راحتك ... ما طرحته الا على شان نتناقش فيه ..


.
.

بعد ما فهمتني عدل .. اوكي انا بييب لك مثااااال

لو فرضنا مثلا انه "س" من الناس غلطت

وانكشف امرها ... بس البنية تابت خلاص

ومحد معصوم من الغلط ..

اذا يت بتنخطب و سألوا عن البنت

وقالوا هاي مب زينه و ما تصلح حق العرس ..... الخ ومن هالرمسه

في هالحاله سمعت البنت بتكون في التراب وحد بيرضى ياخذها

رغم انها تابت و هذي مرحلة طيش مرت بها ..

.
.

بعكس الولد لو كان له مااااااضي .. عادي ما ينرفض

بيقولون خلاص هذا اول بعد العرس اكيد غير

والريال ما يعيبه شي مهما سوى بس البنت لاااا

.
.

يعني البنت تدفع ضريبة افعالها و الولد كأن شيئا لم يكن

.
.

هذا الي اقصده


.
.

[شيخه الامارات]

كل لــه ماضيه وطيشه الولد يغلط البنت تغلط محد معصوم من الغلط والواحد يتعلم من الدنيا والدنيا
تجارب بس للأسف اللي اشوفه هالايام البنت اذا غلطت بأي شيئ خلاص الكل بيأخذ عليها حتى لو تابت
واعترفت بغلطها ولو بعد ماتت والولد مهما سوا اونه لا كل الشباب جي وبعدين يعتدلون يوم يتزوجون وهذا اكبر غلط وظلم لأسف في مجتمعنااا ،،،


واسمحيلي اختي،،

[الحالم]

لالالا من قال ان الريال ينقبل حتى لو له ماضي اسوود مستحيل الا لو ناس مب زينين

يعني من نفس الطينه هاالايام محد يعطي بنته لواحد له ماضي اسود وبعدين البنت

او الولد محد قال لهم يغلطووون هم نفس الشي ينردووون الا لو الطرف الثاني من نفس الطينه

وبعدين الله يغفر الذنوب الانسان بس يعلق ويزيد والمهم الريال اللي له ماضي اسوود

مرفوووووووووض عند كل بيت محترررم .. مثل ماالبنت اللي لها ماضي اسود مرفووضه

عند كل بيت محترم وبعدين في نااس وايد مخلييين عمرهم نشاماء وعادي عندهم يقولون

الكل يغلط ولازم مانكون عليهم احنا والزمن خلهم يروحوون لهم وبيزوجووونهم ..

والسموحه شكلي بداوم بهذا الموضوع

[Mi$s MaL©OnA]

شيخة الإمارات ....

فعلاً ظلم .. بس خلاص هذي النتيجة ...

ولا تحرمينا من طلاتج الحلوة

وحيااج الله

.
.
.

لالالا من قال ان الريال ينقبل حتى لو له ماضي اسوود مستحيل الا لو ناس مب زينين

يعني من نفس الطينه هاالايام محد يعطي بنته لواحد له ماضي اسود وبعدين البنت

او الولد محد قال لهم يغلطووون هم نفس الشي ينردووون الا لو الطرف الثاني من نفس الطينه

وبعدين الله يغفر الذنوب الانسان بس يعلق ويزيد والمهم الريال اللي له ماضي اسوود

مرفوووووووووض عند كل بيت محترررم .. مثل ماالبنت اللي لها ماضي اسود مرفووضه

عند كل بيت محترم وبعدين في نااس وايد مخلييين عمرهم نشاماء وعادي عندهم يقولون

الكل يغلط ولازم مانكون عليهم احنا والزمن خلهم يروحوون لهم وبيزوجووونهم ..

والسموحه شكلي بداوم بهذا الموضوع


بعد ما بعارضك في هالنقطة و اقول كلامك صح ... بس بالنسبه انه محد قالهم يغلطون صعبة شوي

مثل ما قالت اختي شيخة الإمارات الحياة تجارب " ومحد معصوم من الغلط " الا البعض ولله الحمد

اما بالنسبه للرجل الي ماضيه اسووود مرفووض .. صح مرفوووض بس مب في كل الحالات

يعني بوضح لك اكثــر ... لو كان الريال يرمس بنات بس ما عنده سوالف و خرابيط انه يطلع وياهم و غيره

بيقولون برااايه مافي ريال ما يرمس بنات طبعا في مراهقته ....

اما الريال الي يرمس بنات و معرف عنه انه راعي طلعاااات انا وياك في هالنقطه انه مرفوووووض الا

البعض بيشوف انه عااادي .... و في النهايه هو ريال

بس حبيت انووه واقوول ان هني نحن ما نساوي بين افعال البنت و الولد هناك فرق كبير

ومثل ما ذكرت ان البنت جووهرة ثمينه لازم تحافظ علة نفسها ... بس حبيت ابين لازم المجتمع

يعطي فرصة للبنت ما يحكم عليها من اول غلطة غلطتها ....

.
.
.


و حيااك الله ..

واشكرك عالتواجد وعالتفاعل


.
.

[الادهم]

تسلمين على الطرح الطيب ملسونه (عبيطة)

واحب اناقش معاكِ بعض النقاط ..


و يحكمون عليها بالإعدام .


انا اختلف بهذه النقطه معاكِ لان حكم الاعدام الجرائم فيه ثابته ومعروفه

كان المرتكب رجل او امرأة ..



ليــش نحن ما نرفق بالفتاة ... ليش نقتلها وهي حيــة .. نقطع الامل في حياتها
كــل إنســان مذنــب و ومحد معصوووم .. الا من رحم ربــي


صحيح كل انسان مذنب ومحد معصوم هذا أكيد .. ولكن خطأ عن خطأ يفرق

ومن الاساس سواء كان رجل او امرأة ليش يحطون نفسهم بمثل هذا الموقف



وهــل من العدل إن البنت تتحمــل ذنبــهــا طوول عمرهــا
والشــاب يواااصل حيااته ويجــرب بحجة انه طيش و نزوة و تمر .. ؟؟؟؟؟؟


أختي خليني اوضح شي بسيط .. في حالة ان البنت اخطأت وماتكلم عن مكالمة تيلفون

او تعارف بالنت هذا الشي مقدور عليه وممكن التغاضي عنه .. انا اتكلم عن الامور الكبيره

في هذه الحاله مابتتحمل البنت المصيبه بروحها .. اهلها معاها . انا بختصر الموضوع بكلمتين

والكل يعرفهم وهم بيوضحون ليش، الخطأ الكبير ماتكلم عن الاشياء البسيطه اقصد الخطأ الكبير

البنت تتحمله اكثر من الشاب .. لان شرف الرجل بأمه وزوجته واخته (الغير متزوجه)

وبنات عمه (الغير متزوجات) يعني لواخطأت بيكون شرف الرجل والاهل انتهى البنت مسؤوله

عن تصرفاتها اكثر من الرجل وهذا الشي الله خلقه معاها عشان جذيه يكون العقاب لها مضاعف

اذا الرجل راح ولخبط مثل ماتقولين مابيخسر شرفه ابدا .. بيخسر سمعته والسمعه اهوون

من الشرف .. انا معاكِ نعم المجتمع يضاعف العقاب للبنت واعتقد ان السبب هو اللي قلته

لان المرأة تحمل شرف الرجل ..

موضوع الرجل مرفوض او البنت تنرفض هذا الشي كله بيد الله والزواج قسمه ونصيب

وفي الاخير كلهم بيتزوجون مهما طال الزمن ..

وقوله تعالى { الخبيثات للخبيثين والخبيثون للخبيثات والطيبات للطيبين والطيبون للطيبات }


يتعلم من الدنيا والدنيا تجارب / الحياة تجارب " ومحد معصوم من الغلط


صحيح الدنيا تجارب بس مب ضروري اني اخوض التجربه عشان اعرف مرارتها يكفي

اني اسمع خصوصا لو كان الشي معروف ومايحتاج اني اخوضه .. مثال الكل يعرف

ان البنت لو سلمت نفسها لرجل مهما كان واعدنها بالزواج قريب بعيد المهم ان النتيجه

معروفه بدون تجربه .. الحياة تجارب في الامور الغير مؤكده والامور الغير معلومه

اما بالامور الواضحه لا بتكون الحياة حذر افضل من الحياة تجارب ..




سوالم

[Mi$s MaL©OnA]

حياك الله اخوي الادهم .. وا سعدني تواجدك

.
.

تعقيبا على ردك .. بنوقف بعد عند كم نقطة

.
.

ومن الاساس سواء كان رجل او امرأة ليش يحطون نفسهم بمثل هذا الموقف

ما نقدر نقول ليش ... لان مانعرف طبيعة البيئة الي حولهم

.
.


صح .. وهني المشكلة الي يصعب حلها ...
مثل ما تفضلت وقلت انه خطأ البنت اكبر من الشاب وعقابها بعد اكبر وهذا في المجتمع
بعكس ما جاء في الشرع ... عقابهم واحد

.
.
.

بس عموما كلامك صح ... يعطيك العافيه

و اسأل الله لي ولكم الثبات على دينه
والعمل بأوامره واجتناب نواهيه

.
.

وحيااكم الله كلبوووووكم ....